ஏன் ஆண்கள் மோசடி (Cheating) செய்கிறார்கள்?

மூன்று வாரங்களுக்கு முன்பு Operah Winfray நிகழ்ச்சியில் The Truth about Cheating by Gary Neuman என்ற புத்தகத்தை பற்றியும் அதன் ஆசிரியரிடம் நேரடி பேட்டி நடந்துக் கொண்டிருந்தது. அதனைப் பார்க்கையில் பல சுவையான தகவல்கள் கிடைத்தன. அதன் விளைவே இந்த பதிவு.


திருமண வாழ்க்கையில், ஆண்கள் ஏன் பெண்களை ஏமாற்றுகிறார்கள் என்பது பற்றி அந்த நிகழ்ச்சி முழுக்கஇருந்தது. அதில் கண்ட புள்ளிவிவரங்கள் உங்களுக்கு ஆச்சர்யத்தை தரலாம்.


பொதுவாக ஆண்கள் பெண்களை (மனைவிகளை) ஏமாற்ற காரணம் என்னென்ன?

- கிட்டதட்ட 92% ஆண்கள் ஏமாற்ற செக்ஸ் மட்டுமே காரணம் அல்ல என்பது ஓர் முக்கிய விசயம்
- மனைவிகள் கணவர்களை மனம் உவந்து பாராட்டுவது இல்லை
- திருமண வாழ்க்கையில் ஓர் வெற்றிடம் இருப்பது!
- ஆண்கள் நிறைய வெற்றி அடைந்தாலும் அதனை பெண்கள் பாராட்டுவது இல்லை
- இருவருக்கும் ஓர் பொதுவான கருத்து இல்லாமை
- இருவருக்கும் இடையில் ஓர் நெருக்கம் இல்லாமை
- ஆண்கள் ரொம்ப பலமாக காணப்பட்டாலும் பெண்களின் அரவணைப்பு மற்றும் அனுதாபத்தை எதிர்பார்க்கிறார்கள்
- ஆண்களின் மதிப்புகளை பெண்கள் உணர வேண்டும் என எதிர்பார்க்கிறார்கள்
- கிட்டதட்ட 88% ஆண்கள் ஏமாற்ற முயற்ச்சிக்கிறார்கள்
- கிட்டதட்ட 55% ஆண்கள் ஏமாற்றுவதை வெளியில் சொல்வது இல்லை
- கிட்டதட்ட 7% ஆண்கள் ஏமாற்றிய விவரத்தை மனைவியிடம் சொல்லிவிடுகிறார்கள்

ஆண்கள் ஏமாற்றுகிறார்கள் என்பதை எப்படி அறிந்து கொள்வது?

- வேலை முடிந்தவுடன் வீட்டிற்கு நேரத்திற்கு வாரமல் இருத்தல்
- வீட்டிற்கு வெளியே ரொம்ப நேரம் செலவிடுதல்
- உடல் உறவில் நாட்டம் இல்லாமை
- மனைவிகளை ஏதாவது குற்றம் சொல்லிக் கொண்டே இருப்பது
- மனைவி கூப்பிடும் பொழுது செல்பேசியை எடுக்காமல் இருப்பது
- தொடர்பில் இல்லாமல் இருப்பது
- அடிக்கடி வெளியே சாப்பிடுதல்

பெண்கள் (மனைவி) எப்படி அதனை ஆண்கள் (கணவர்களிடம்) கேட்டு தெரிந்து கொள்கிறார்கள்?

- தன் கணவர்களிடம் பழகும் அந்த பெண்ணின் அழுகு எப்படி இருக்கும்?
- எந்த நேரத்தில் உடல் உறவு கொண்டார்கள்?
- அவள் எந்த மாதிரி உள் ஆடைகள் அணிந்து இருந்தாள்?
- அவளின் செருப்பின் உயரம் என்ன?
- அவளிடம் என்னைவிட சுகம் நிறைய கிடைத்ததா?

இப்படி ஆண்கள் ஏமாற்றுவதில் இருந்து எப்படி பெண்கள் அதனை சரி செய்ய முடியும்?

- யார் அந்த பெண்?
- எங்கு இருக்கிறாள்?
- என்ன காரணம்?
- உங்களுக்குள் எப்படி அந்த தொடர்பு ஏற்பட்டது?
- உண்மையில் நீங்கள் அந்த பெண்ணை நேசிக்கிறீர்களா?

என்று கேட்டு அறிந்து மனம்விட்டு பேசி பிரச்சினைகளை பேசி சரி செய்ய முயல வேண்டும்!

இது போல் ஆண்கள் தடுமாறமால் இருக்க பெண்கள் என்னென்ன நடவடிக்கை எடுக்கலாம்?

- அடிக்கடி உடல் உறவில் நாட்டத்தை ஏற்படுத்தலாம்
- ஆண்களை (கணவர்களை) மனதார பாராட்டலாம்
- ஆண்களின் வெற்றிகளை கொண்டாடலாம்
- நல்ல அழகான உடைகளை அணியலாம்
- சிரித்த முகத்துடன், இன்முகத்துடன் பேசுவது
- தினமும் இரவு மனம் விட்டு பேசலாம்

திருமண வாழ்க்கையில் ஆண்கள் மட்டும் தம் மனைவிகளை ஏமாற்றவில்லை. சில பெண்களும்(மனைவி) தனது கணவர்களை ஏமாற்றுகிறார்கள் என்பதை அந்த ஆசிரியர் சொன்னார்.

மேலே கூறிய காரணங்களில் நல்ல சில / பல குடும்பங்கள் கூட பாதை தடுமாறி இருக்கிறது என்பது ஆய்வு தகவல்.

நன்றி

மயிலாடுதுறை சிவா...

நம்மவூர் கல்யாணமும், கல்யாண சாப்பாடும்!

நவம்பர் 2008

வாசிங்டன்

இன்னும் இரண்டு மாதங்களில் சகோதரர் திருமணத்திற்கு தமிழகம் செல்லவுள்ளேன். நீண்ட இடைவெளிக்கு பிறகு தமிழகத்தில் திருமணம், அதுவும் சகோதரருக்கு என்று நினைக்கும் பொழுது மனம் எல்லையில்லா ஆனந்தம் அடைகிறது. விமானப் பயணம் முழுவதும் அந்த திருமணத்தைப் பற்றியே நினைத்துக் கொண்டு போகலாம். நம்மவூர் ராம்ராஜ் வேட்டியும், நல்ல பளிச் நிற சட்டைக்கும் அல்லது நல்ல பால் போல வெள்ளை சட்டைக்கும் ஈடு இணை இல்லை! ரொம்ப நாட்களுக்கு முன்பு மயிலாடுதுறை காதி கிராப்டில்கதரில் ஓர் ஜிப்பா எடுத்தேன், அதுப் போல் இப்பொழுது வருவது இல்லை! திரும்ப தேட வேண்டும்.

நம்மவூர் கல்யாணம் என்பது ஓர் தனி அழுகு! திருமண சம்மந்தம் முடிந்தவுடன் அது சம்மந்தமாக பேச்சுகள், அதனை ஒட்டி உறவினர்கள், நண்பர்களுடன் உரையாடல்கள், பத்திரிக்கைகள், சாப்பாடு விசயங்கள் என இன்னபிற விசயங்கள் அனைத்தும் மகிழ்ச்சியின் வெளிப்பாடே!

திருமணத்திற்கு முதல் நாள் மண்டபம் சென்று கொஞ்ச கொஞ்சமாக வேலைகள் ஆரம்பிப்பது ஓரு சுகம். அதுவும் திருமணத்திற்கு வேண்டிய அனைத்து மளிகைப் பொருள்கள் இறங்கியவுடன், அதனை நல்லப் படியாக ஓர் அறையில் வைத்து...அதற்கு எங்களிடம் ஓரு மாமா இருக்கிறார், அவர் அதனைப் பொறுப்பாக பார்த்துக் கொள்வார்.

சமையல் கலைஞர்கள் அனைவரும் வந்துவிடுவார்கள், அவர்கள் இறைவனை வணங்கிவிட்டு முதன் முதல் அடுப்பு எறிய சூடம் வைத்து தொடங்குவதை பார்த்ததும் ஓர் இனம் புரியாத பரவசம் மனதில் உண்டாகும். அடுத்து சமையல் கலைஞர்கள் பெரிய வெங்காயம், சிறிய வெங்காயம், உருளை, கேரட், முட்டை கோஸ், தக்காளி என கலர் கலராக காய்கறிகள் வெட்டி அதனை வைத்து இருக்கும் விதம் ஒர் தனி அழுகு! வயதான அம்மா பொறுமையாக பத்து பதினைந்து தேங்காய்களை துருவிக் கொண்டிருப்பதை பார்க்கும் பொழுது பாவமாக இருந்தாலும், இந்த வயதிலும் உழைப்பதைக் கண்டு பெருமையாக இருக்கும்! மேலும் சிலர் கடகடவென்று சப்பாத்தி அல்லது பூரிக்கு மாவு ஒரே அளவில் தேய்த்து தயாராக வைத்திருப்பார்கள்! இன்னோரு பக்கம் ஒருவர் ஜாங்கிரியை லாவகமாக பிழிந்து கொண்டிருப்பார், மற்றோருவர் கோதுமை அல்வாவை கிண்டி கொண்டு இருப்பார். மொத்ததில் வேலைகள் ஜரூராக நடந்துக் கொண்டு இருக்கும்!

திருமணத்தில் எனக்கு மிகவும் பிடித்த விசயம் முதல் நாள் மண்டபதிற்கு ஒவ்வோரு நபராக வர ஆரம்பிக்க, வாசலருகே நின்று யார் வருகிறார்கள் என்பதை ஆவலுடன் எதிர்பார்த்து நிற்பது. அது ஓர் சுவையான அனுபவம்! அதிலும் ரொம்ப நாட்களாக நாம் சந்திக்காமல் இருந்த உறவினர்கள் வரும் பொழுது மிக மிக மகிழ்ச்சியாய் இருக்கும்! மாலை மாப்பிள்ளை அழைப்பு அல்லது நிச்சய தாம்பூலத்திற்கு சற்று முன்பு நாதஸ்வர இன்னிசையும், தவில் இசையும் கலந்து வரும் அந்த சுகமான இசை இருக்கிறதே ஆஹா என்ன வென்று சொல்வது எப்படி சொல்வது?

நமது வீட்டு கல்யாணத்தில் நான் மிகவும் ரசிப்பது மதியச் சாப்பாடு! இந்த மதிய சாப்பாடை நீங்கள் நன்கு சாப்பிட வேண்டுமென்றால் காலை உணவு சற்று குறைத்துச் சாப்பிட வேண்டும்! மதிய உணவைப் பற்றி சற்று விரிவாக இங்கு சொல்லப் பட ஆசைப் படுகிறேன்.

நல்ல பெரிய வாழை இலையில்

ஜாங்கிரி அல்லது கோதுமை அல்வா அல்லது பாதாம் அல்லவா

பருப்பு, நெய்

உருளை சிப்ஸ்

உருளைப் பட்டானி பொரியல்

பூசணிக்காய் கூட்டு

பீன்ஸ் கேரட் பொரியல்

வெண்டைக்காய் பக்கோடா வறுவல் அல்லது புடலங்கையாய் வறுவல்

கேரட் தயிர் பச்சடி

மசாலா வடை அல்லது மெதுவடை

மாங்காய் ஊறுகாய் அல்லது எலுமிச்சை ஊறுகாய்

முருங்கைகாய் சம்பார்

தக்காளி ரசம்

வத்த குழம்பு

கெட்டி தயிர்

மோர்

அப்பளம்

வாழைப் பழம்

பால் பாயசம்

இதனை பொறுமையாக நாம் ரசித்து, கூச்சப்படாமல் கேட்டு வாங்கி சாப்பாட வேண்டும். சாப்பிடும் பொழுது உங்களோடு சாப்பாடு ரசனை உள்ள நண்பர்கள் அல்லது உறவினர்களை உடன் சாப்பிட வேண்டும். இது ரொம்ப ரொம்ப முக்கியம். சாப்பிட்டு விட்டு வெளியே வரும் பொழுது கும்பகோணம் வெத்திலை, ஏ ஆர் ஆர் சுண்ணாம்பு, நிஜாம் பாக்கு போட்டு அப்படியே மண்டபத்தில் ஓரமாக நிறைய சேர்களை இழுத்து போட்டு கொண்டு உறவினர்களோடும் நண்பர்களோடும் அரட்டை அடித்தால் அது சொர்க்கம்!

இதில் கொடுமையான விசயம் என்னெவென்றால் உறவினர்கள் ஓவ்வோருவாரக தம் தம் ஊருக்கு கிளம்ப ஆரம்பிப்பார்கள்.

என்ன செய்வது, பிரிவது என்பது மீண்டும் கூடத்தானே!

நன்றி

மயிலாடுதுறை சிவா...

மார்டின் லூதர் கனவு - ஓபாமா வெற்றி

வாசிங்டன் நவம்பர் 05 2008

'வெள்ளை' மாளிகைக்கு ஒரு கறுப்பினத் தலைவரை தேர்ந்தெடுத்து, நேற்று இரவு அமெரிக்க மக்கள் தமது வாக்குகள் மூலம் புதிய சரித்திரத்தை படைத்துவிட்டனர்.

உலகம் இன்று அமெரிக்காவை பெருமையுடன் பார்க்க ஆரம்பித்துவிட்டது! புதிய சரித்திரம் தொடரட்டும்! கறுப்பர் என்றும், முஸ்லிம் என்றும், தீவிரவாத தொடர்பு என்றும் பலவிதங்களில் தொடர்ந்து தாக்கப்பட்டாலும், அனைத்தையும் தன்னுடைய கடுமையான பிரசாரத்தின் மூலமும், தன்னம்பிக்கையின் மூலமும், தன்னுடைய வெற்றியை அமெரிக்க மக்களுக்கு காணிக்கையாக்கினார் ஓபாமா!

ஒபாமாவின் குழந்தைகளும், ஜோ பைடனின் பேரக் குழந்தைகளும் நேற்றிரவு சிகாகோவில் மேடை ஏறிய போது, மார்டின் லூதர் கிங் கண்ட கனவு நிறைவேறியது! கறுப்பின குழந்தைகளும், வெள்ளை குழந்தைகளும் வெள்ளை மாளிகையின் தோட்டதில் புதிய ஆண்டில் விளையாடட்டும்!

இந்த சரித்தர வெற்றிக்கு கோடானு கோடி அமெரிக்க மக்களில் எனக்கும் பங்குள்ளது என்று நினைக்கும் பொழுது மனம் எல்லையில்லா மகிழ்ச்சி அடைகிறது! என் முதல் அமெரிக்க ஓட்டு, வெற்றி ஓட்டு! வரலாற்றை திரும்பி பார்க்க வைத்த ஓட்டு! அவருக்காக இரண்டு நாள் பிரச்சாரம் செய்தது என்வாழ்வில் மறக்க முடியாத நாட்கள்!

அமெரிக்காவில் பெரும்பான்மை மக்கள் சிறுபான்மை மக்களுக்கு ஓர் அங்கீகாரத்தை தேடி தந்தன் மூலம் நிற பாகுப்பாடு இல்லை என்பதை என்னால் ஓரளவு நம்ப முடிகிறது!

அமெரிக்காவில் எதுவும் சாத்தியம் என்று உலகுக்கு உரக்கச் சொல்லியவர் ஓபாமா! அமெரிக்கா ஓர் புதிய விடியலை முன்னோக்கி செல்கிறது!

வாழ்க ஓபாமா! வளர்க்க அவரின் புகழ்!

மயிலாடுதுறை சிவா...